Yurgen Klopp Germaniya terma jamoasi bosh murabbiyiga aylandi — Romano
Germaniya futbol ittifoqi (DFB) Yurgen Klopp bilan shartnoma imzoladi. Mashhur nemis mutaxassisi milliy terma jamoani 2030 yilning iyuligacha boshqaradi. Bu haqda jurnalist Fabrizio Romano ijtimoiy tarmoqlardagi sahifasida ma'lum qildi.
«Yurgen Klopp Germaniya terma jamoasining yangi bosh murabbiyi sifatida shartnoma imzoladi. Bugun rasmiy tasdiq va taqdimot bo‘lib o‘tadi. Endi hech qanday shubha yo‘q — Klopp 2030 yil iyuligacha terma jamoada faoliyat olib boradi», — deb yozdi Romano.
Eslatib o‘tamiz, Germaniya terma jamoasi 2026 yilgi jahon chempionatida kutilmagan natija qayd etdi. Nemislar 1/16 finalda Paragvayga qarshi bahsda asosiy va qo‘shimcha vaqtni 1:1 hisobida yakunlab, penaltilar seriyasida 3:4 hisobida mag‘lub bo‘lgan va musobaqani erta tark etgan edi.
Ushbu natijadan so‘ng Germaniya futbol ittifoqi bosh murabbiy almashtirishga qaror qildi. Shu vaqtgacha milliy jamoani Yulian Nagelsmann boshqarib kelayotgan edi.
