Yamalga dalda bergan “Inter” futbolchisi o'yindan so'ng uni masxara qildi

Chempionlar ligasi

06.05.2025, Yak.

Inter

4

Barselona

3

UEFA Chempionlar Ligasi yarim finalining javob o'yinida “Inter” “Barselona”ni mag'lub etib, final yo'llanmasini qo'lga kiritdi (4:3, umumiy, 7:6).

Uchrashuvdan so'ng “neradzurrilar” hujumchisi Markus Tyuram Lamin Yamalni oldiga borib, unga dalda berdi. Biroq, Tyuram oradan ko'p o'tmay ijtimoiy tarmoqda 17 yoshli ispaniyalik vingerni masxara qildi.

Fransiyalik futbolchi o'z Instagram sahifasiga Yamalni quchoqlab, dalda berayotgan suratini joylashtirib, “Vaziyatda!”, deb izoh qoldirdi. Shuningdek, izohga kulayotgan stikerlarni ham qo'shib qo'ydi.

Ammo, keyinroq Tyuram o'z xatosini tan oldi va ushbu postni o'chirib tashlab, yangisini qo'ydi. Unda “Buyuklik buyuklikni tan oladi”, mazmunidagi izoh yozib qo'yilgandi.

Nasrullo Karimov

Jurnalist