Xabi Alonso “Al-Hilol”ga qarshi o'yin haqida: “Vaqt yetmayapti”
Madridning “Real” klubi bosh murabbiyi Xabi Alonso Klublar o'rtasidagi Jahon chempionati doirasidan o'rin olgan “Al-Hilol”ga qarshi bahs haqida fikr bildirdi.
Eslatib o'tamiz, ushbu bahs 1:1 hisobida durang bilan yakunlandi.
“O'zgarishlar vaqt talab qilishini bilardim. O'zgartirish kerak bo'lgan jihatlar bor va buni bilamiz. Vaqt yetmayapti.
Tayyorgarlik uchun bizda atigi to'qqiz kun vaqt bor edi, ba'zi futbolchilar esa bor-yo'g'i uchta mashg'ulot o'tkazishdi.
Bu unchalik oddiy emas, lekin biz turnirdamiz va o'rganishga harakat qilyapmiz. Rejalarimizni amalga oshirish uchun vaqt kerak bo'ladi”, - deydi Alonso.
Eslatib o'tamiz, Xabi Alonso Klublar o'rtasidagi Jahon chempionatidan oldin “Real” boshqaruviga keldi. Ispaniyalik mutaxassis bundan avval Leverkuzenning “Bayer” klubini boshqargan edi.
