Vitaliy Levchenko: «G'alaba qozongan bo'lsak-da, ko'plab xatolarga yo'l qo'ydik»
Superliganing 20-turi doirasida "Neftchi" - "Mash'al" bahsi yakunlangandan so'ng mezbonlar bosh murabbiyi Vitaliy Levchenko matbuot anjumanida ishtirok etdi.
- Garchi hisob bizning foydamizga bo'lsa-da, o'yin juda asabiy o'tdi. Afsuski, ko'plab xatolarga yo'l qo'ydik. Buni to'g'rilash kerak. Biroq uch ochkoga ega chiqqanimizdan xursandman. Oldinga harakatlanishda davom etamiz.
- "Paxtakor"ga qarshi o'yinga qadar ko'p vaqt bor. Ungacha jamoa o'rtoqlik o'yinlarida qatnashadimi?
- Ha, albatta. Hozir bir qancha jamoalar bilan muzokaralar ketmoqda. Hammasi aniq bo'lganidan keyin klub matbuot xizmati buni e'lon qiladi. Yashiradigan hech narsa yo'q.
- Bugun Vladimir Yovovich ikkinchi taymda maydonga tushdi. Uning o'yiniga qanday baho berasiz?
- Buni omma oldida aytish niyatim yo'q. Bu ichki ishlarga kiradi. Qisqacha aytadigan bo'lsam, uning hali ishlaydigan jihatlari ko'p.
