Vinisius: «Bu turnir davomida o'zimizga bo'lgan ishonchni oshirish uchun muhim g'alaba»
Braziliya terma jamoasining qanot hujumchisi Vinisius Junior JCH—2026 guruh bosqichi doirasida Gaiti ustidan qo'lga kiritilgan g'alabadan (3:0) so'nggi taassurotlari bilan o'rtoqlashdi.
“Marokashga qarshi o'yindan oldin aytganimdek, men bu yerga terma jamoa bilan birga katta ishlarni amalga oshirish uchun kelganman. Yaxshi sport formasida bo'lganimda, gollar va golli uzatmalar bilan yordam bera olaman va bor imkoniyatimni ishga solaman. Bugun aynan shunday qildim va chempion bo'lishimiz uchun shu ruhda davom etishga umid qilaman. Men [terma jamoada] o'zimni doim uyda yurgandek his qilaman, ammo buni haqiqiy natijaga aylantira olmasdim. Yaxshi o'yinlar o'tkazganman, lekin gol ura olmaganim uchun bu oxir-oqibatda meni juda xafa qilardi, holdan toydirardi.
Jahon chempionatiga kelganimda, bu o'z futbolimni namoyish qilish uchun eng yaxshi imkoniyat ekanini bilardim, shu sabab bor kuchimni ishga solishga maksimal darajada e'tibor qaratdim. Bu ikki o'yinda o'zimni yaxshi ko'rsata oldim. Albatta, men o'sishda davom etishim kerak.
Bu biz uchun juda muhim pallada bo'ldi, biz yaxshi o'ynadik va gollar ura oldik. Turnir davomida o'zimizga bo'lgan ishonchni oshirish uchun bu muhim. Uchta markaziy himoyachi bilan o'ynaydigan raqib... Fikrimizcha, yaratgan vaziyatlarimizni inobatga olsak, ko'proq gol urishimiz mumkin edi, ammo bu ajoyib o'yin bo'ldi, barcha yaxshi o'yin ko'rsata oldi”, — dedi Vinisius o'yindan so'ng.
