Anchelotti: «Rafinya – dunyodagi eng yaxshilardan biri»
Braziliya terma jamoasi bosh murabbiyi Karlo Anchelotti vinger Rafinyani qo‘llab-quvvatladi va uning Jahon chempionati – 2026 dagi o‘yiniga nisbatan «xotirjamlik, sabr va vazminlikka» chaqirdi.
«Rafinya har qanday hujumkor pozitsiyada o‘ynay oladi, chunki uning faoliyati buni isbotlaydi. «Lids Yunayted»da, Marselo Byelsa davrida, u o‘ng qanotda harakat qilgan, «Barselona»da esa o‘ngdan boshlagan, keyin chapga o‘tgan. Bu yerda ham u juda yaxshi o‘ynaydi, chunki, mening fikrimcha, u dunyodagi eng yaxshilardan biri», – deya Anchelottining so‘zlaridan iqtibos keltiradi Mundo Deportivo.
Jahon chempionati – 2026 11 iyundan 19 iyulgacha bo‘lib o‘tadi. Ikki tur natijalariga ko‘ra, Braziliya C guruhida birinchi o‘rinni egallab turibdi. Guruh bosqichining so‘nggi o‘yinida u Shotlandiyaga qarshi maydonga tushadi (25 iyun).
