Ancelotti Braziliya terma jamoasining Gaitiga qarshi o'yinga tayyorgarligini baholadi
Braziliya terma jamoasi bosh murabbiyi Karlo Ancelotti jamoaning jahon chempionati guruh bosqichining ikkinchi o'yinida Gaitiga qarshi tayyorgarligini baholadi.
"Jamoa natijadan qoniqmadi, chunki start, ayniqsa, birinchi bo'lim muvaffaqiyatsiz chiqdi. Keyingi o'yinda biz butunlay boshqacha, ancha sifatliroq o'yin ko'rsatamiz.
Gaiti terma jamoasi jismoniy qudratini namoyish etdi, bu aniq tizimga va bo'ydor klassik markaziy hujumchiga ega yaxshi tashkil etilgan jamoa. Ular o'z imkoniyatlaridan kelib chiqib, yaxshi futbol o'ynashadi. Bu ham boshqalar kabi hurmat qilinishi kerak bo'lgan raqib. Bu jahon chempionati, hamma juda ruhlangan. Bu yerda natijasi oldindan aniq o'yinlar yo'q, barcha o'yinlar juda teng kurashlar ostida va raqobatbardosh kechadi", — deya Ancelottining so'zlarini keltiradi Braziliya terma jamoasi matbuot xizmati.
Eslatib o'tamiz, keyingi o'yinda Braziliya 20 iyun kuni Gaiti bilan to'qnash keladi. Birinchi turda "selesao" Marokash terma jamoasi bilan durang o'ynagandi (1:1).
