Superliganing 22-turida «Neftchi» safarda «Lokomotiv»ni 1:0 hisobida mag‘lub etdi
Superliganing 22-turida «Neftchi» safarda «Lokomotiv»ni 1:0 hisobida mag‘lub etdi.
Bahsdagi yagona gol 62-daqiqada kiritildi. Zoran Marushich mezbonlar darvozasini ishg‘ol qilib, «Neftchi»ga g‘alaba keltirdi.
Qolgan vaqtda «Lokomotiv» hisobni tenglashtirishga harakat qildi, biroq «Neftchi» himoyasi raqibga gol urish imkonini bermadi.
Ushbu natijadan so‘ng «Lokomotiv» 35 ochko bilan 4-o‘rinda qoldi. «Neftchi» ochkolarini 51 taga yetkazib, yana peshqadamlikka qaytdi. Farg‘ona jamoasi «Paxtakor»dan 2 ochko oldinda bormoqda.
Superliga. 22-tur
Lokomotiv — Neftchi 0:1
Gol: Marushich 62.
Lokomotiv: Kozlov, Tupliyev (Abrayev, 72), Nurullayev (Bahodirov, 72), Abduxoliqov, Ivanov, Shushnyar, Mirzayev, Kucherenko, Yo‘ldoshev, Muhammadiyev (Yaxshiboyev, 57), Zoteyev.
Neftchi: Ergashev, Alibayev, Ismoilov (Toshmirzayev, 69), Iskanderov, Abdug‘aniyev, G‘ofurov, Odilov (G‘iyosov, 69), Marushich (Peritsa, 69), Sayfiyev, Kuao, Ratino (Ubaydullayev, 81).
