Superliga. «Buxoro» - «Neftchi». Prevyu
"Neftchi" Superliganing 28-tur doirasidagi uchrashuvini "Buxoro" futbol klubi bilan safarda oʻtkazadi.
Statistikaga nazar tashlaymiz. Shu kungacha "Neftchi" buxoroliklar bilan Superliga, Pro liga va Oʻzbekiston kubogi musobaqalarida jami 67 marta oʻzaro toʻqnash kelgan.
Superliga chempionatidagi toʻqnashuvlarni inobatga olsak, ularning 15 tasida "Buxoro" gʻalaba qozongan, 4 ta oʻyinda durang qayd etilgan va 36 ta bahsda "Neftchi" ustun kelgan. Umumiy toʻplar nisbati 49-104 fargʻonaliklar foydasiga.
Jamoalarning oʻzaro uchrashuvlardagi eng yirik gʻalabalari 1999-yilgi futbol mavsumida qayd etilgan. Oʻshanda "Buxoro" oʻz maydonida 4:1 hisobidagi gʻalabani rasmiylashtirgan. Fargʻonada boʻlib oʻtgan javob bahsida esa "Neftchi" 5:0 hisobida zafar quchgan.
Buxoroda qayd etilgan oxirgi 5 uchrashuv natijalari quyidagicha
21.04.2023.
"Buxoro"-"Neftchi" 2:2
19.07.2018.
"Buxoro"-"Neftchi" 0:0
07.04.2017.
"Buxoro"-"Neftchi" 3:0
16.06.2016.
"Buxoro"-"Neftchi" 2:0
05.11.2015.
"Buxoro"-"Neftchi" 3:1
Eslatib oʻtamiz, Superliganing 28-tur doirasida oʻtkaziladigan "Buxoro"-"Neftchi" bellashuvini Asker Najafaliyev boshchiligidagi hakamlar guruhi boshqarib boradi. Uchrashuv soat 18:00 da boshlanadi.
