Superliga. «Bunyodkor» safarda «Navbahor»ni magʻlub etib, 5-o‘ringa koʻtarildi
Oʻzbekiston Superligasi 25-turidan oʻrin olgan bahsda «Navbahor» va «Bunyodkor» oʻzaro to'qnash keldi. Yakunda «qaldirg'ochlar» 2:0 hisobida gʻalaba qozondi.
Dastlab 7-daqiqada Imeda Ashortia toshkentliklarni oldinga olib chiqdi. 20-daqiqada esa uning oʻzi dublni rasmiylashtirdi.
«Navbahor» 88-daqiqada Muhammadali G'iyosovning goli evaziga hisobni qisqartirgandi, biroq vaziyatga VAR aralashib, golni bekor qildi.
Shu tariqa, «Bunyodkor» ushbu gʻalabadan soʻng oʻz ochkolari hisobini 43 taga yetkazib, onlayn turnir jadvalida 5-o'ringa koʻtarilib oldi. «Navbahor» esa 37 ochko bilan 7-oʻrinda bormoqda.
Superliga. 25-tur
«Navbahor» — «Bunyodkor» 0:2
Gollar: Ashortia (7, 20).
Navbahor — Umidjon Ergashev (Shukron Yo‘ldoshev, 46), Azimjon Ahmedov, Zabihillo O‘rinboyev (Asadbek Jo‘raboyev, 84), Saidazamat Mirsaidov (Gilyerme Gedesh, 46), Jamshid Boltaboyev, Ruslanbek Jiyanov, Dostonbek Abdulxayev (Shohmalik Komilov, 46), Pedro Augusto (Muhammadali Gʻiyosov, 46), Muhammadbobir Mo‘ydinov, Abbos Gʻulomov, Igor Gabriel.
Bunyodkor — Valijon Rahimov, Najmiddin Normurodov, Imeda Ashortia (Aleksandr Zevadinov, 87), Rasul Yuldashov (Martin Shroler, 58), Temurxo‘ja Abduxoliqov (Matiya Krivokapich, 58), Marko Bugarin, Nosirjon Abdusalomov (Mirkamol Annamatov, 76), Asadbek Rahimjonov, Itsuki Urata, Abdulazizxon Abdurashidov (Boburbek Yo‘ldashov, 58), Azizbek To‘lqinbekov.
