Ronaldu Portugaliya milliy jamoasidagi faoliyatini yakunladi (O Jogo)
Ronaldu Portugaliya milliy jamoasidagi faoliyatini yakunladi (O Jogo)
Manbaga ko‘ra, 41 yoshli hujumchi uzil-kesil qaror qabul qilgan.
Krishtianu Ronaldu Portugaliya milliy jamoasi safida boshqa o‘ynamaydi, deb xabar bermoqda O Jogo.
Nashr ma’lumotlariga ko‘ra, 24 sentyabr kuni o‘tgan Uelsga (1:0) qarshi bahs 41 yoshli hujumchi uchun milliy jamoa tarkibidagi so‘nggi o‘yin bo‘lgan. Norvegiyaga qarshi bahsni esa u zaxirada o‘tkazgan va bu qarordan norozi bo‘lgan. Bosh murabbiy Jorje Jezush o‘z qarorini tushuntirgan matbuot anjumanidan so‘ng sardor milliy jamoa qarorgohini tark etgan.
O Jogo ta’kidlashicha, Ronaldu milliy jamoaga qaytish niyatida emas va xalqaro faoliyatini yakunlashga qat’iy qaror qilgan. Uning qarori «uzil-kesil va qaytilmaydikan» ekani aytilmoqda.
«Real»ning sobiq hujumchisi Portugaliya milliy jamoasi safida 234 ta o‘yin o‘tkazib, 146 ta gol urgan. Har ikki ko‘rsatkich ham jahon futbolida rekord hisoblanadi.
