Роналду Португалия миллий жамоасидаги фаолиятини якунлади (O Jogo)
Роналду Португалия миллий жамоасидаги фаолиятини якунлади (O Jogo)
Манбага кўра, 41 ёшли ҳужумчи узил-кесил қарор қабул қилган.
Криштиану Роналду Португалия миллий жамоаси сафида бошқа ўйнамайди, деб хабар бермоқда O Jogo.
Нашр маълумотларига кўра, 24 сентябрь куни ўтган Уэльсга (1:0) қарши баҳс 41 ёшли ҳужумчи учун миллий жамоа таркибидаги сўнгги ўйин бўлган. Норвегияга қарши баҳсни эса у захирада ўтказган ва бу қарордан норози бўлган. Бош мураббий Жорже Жезуш ўз қарорини тушунтирган матбуот анжуманидан сўнг сардор миллий жамоа қароргоҳини тарк этган.
O Jogo таъкидлашича, Роналду миллий жамоага қайтиш ниятида эмас ва халқаро фаолиятини якунлашга қатъий қарор қилган. Унинг қарори «узил-кесил ва қайтилмайдиган» экани айтилмоқда.
«Реал»нинг собиқ ҳужумчиси Португалия миллий жамоаси сафида 234 та ўйин ўтказиб, 146 та гол урган. Ҳар икки кўрсаткич ҳам жаҳон футболида рекорд ҳисобланади.
