OKMK Hamidullo Abdunabiev bilan shartnoma imzoladi
Photo: Bunyodkor PFK
Yozgi transfer oynasi yakunlanishi arafasida OKMK yana bir muhim transferga qo‘l urdi.
Olmaliq klubi 23 yoshli darvozabon Hamidullo Abdunabievni o‘z safiga qo‘shib oldi. "Bunyodkor" sobiq kiperi OKMK bilan 2,5 yillik bitim imzoladi. Iqtidorli darvozabon "Qaldirg‘ochlar" va "Olimpik" safida 61 uchrashuvda maydonga tushgan.
"Ishonamizki, Hamidullo Abdunabiev "konchilar" safida o‘z mahoratini yanada oshirib, muhim g‘alabalarga hissa qo‘shadi", — deya xabar berdi klub.
Roziqjon Sultonmurodov
Jurnalist
