Neymar Shotlandiyaga qarshi o‘yindayoq Rafinhaning o‘rnini bosishi mumkin
Braziliya terma jamoasi bosh murabbiyi Karlo Anchelotti hujumchi Neymarni Jahon chempionati — 2026 C guruhi 3-turi doirasidagi Shotlandiyaga qarshi o‘yinda bir necha daqiqa maydonga tushirishni istamoqda, chunki futbolchi o‘yinga tayyor. Bu haqda The Touchline’ning X ijtimoiy tarmog‘idagi sahifasi xabar bermoqda.
Manbaning ma’lumotiga ko‘ra, Anchelotti Neymar jarohat olgan Rafinhaning o‘rnini egallashga va maydonda uning rolini o‘z zimmasiga olishga qodir, deb hisoblaydi. Italiyalik mutaxassis 19 yoshli hujumchi Ryan ushbu pozitsiyada qo‘yilgan vazifani yaxshiroq bajara olishi borasida shubha qilmoqda.
Avvalroq Anchelotti Shotlandiyaga qarshi o‘yin arafasida Neymar umumiy guruh mashg‘ulotlariga qaytganini ma’lum qilgandi. Hujumchi boldir mushagidagi jarohatdan tiklanayotgani sababli dastlabki ikki turda ishtirok etmagandi.
