Mixail Yeremchuk: \"Muhimi – g‘alaba qozonib keyingi bosqichga chiqdik\"

Futbol 26 iyn 2025 da 09:40

Mixail Yeremchuk: "Muhimi – g‘alaba qozonib keyingi bosqichga chiqdik"

Photo: Bukhoro PFK

O‘zbekiston Kubogi 1/8 finalidan o‘rin olgan “Buxoro” – OKMK (3:1) uchrashuvidan so‘ng tashkil etilgan matbuot anjumanida “Buxoro” katta murabbiyi Mixail Yeremchuk qatnashdi.

"O‘yin Kubokka xos tarzda kechdi. Maydonda ko‘p hissiyot va jang ko‘zga tashlandi. To‘g‘ri, ba’zi holatlarda ikkinchi raqam bo‘lib o‘ynadik, muhimi – g‘alaba qozonib keyingi bosqichga chiqdik. Klubimiz rahbariyatini, muxlislarimizni va jamoa a’zolarini uzoq kutilgan g‘alaba bilan tabriklayman. Bu yog‘iga yana oldinga qarab harakat qilamiz.

— "“Neftchi”ga uchralgan mag‘lubiyatdan so‘ng bu o‘yinga tayyorgarlik qanday kechdi?

— Orada vaqt kam edi, shu bois asosiy e’tiborni futbolchilarni ruhiy jihatdan tayyorlashga qaratdik. Biz har bir o‘yinga odatdagidek hozirlik ko‘ramiz. Raqibga qarab alohida tayyorgarlik qilmaymiz. Jamoamizda yoshlar ko‘p va ularni bo‘lajak uchrashuvlarga tayyorlab boryapmiz.

— Bugungi g‘alabani “Neftchi” bilan durangga almashtirgan bo‘larmidingiz?

—Futbolda har doim yutish yaxshi. Bu savolga faqat shunday javob berishim mumkin.