Maksim Shatskix: \"O‘yin oxirida g‘alabani ilib ketganimiz ajoyib bo‘ldi\"
Superliganing 14-turidan o‘rin olgan “Xorazm” – “Andijon” (2:3) uchrashuvidan keyingi matbuot anjumanida "burgutlar" bosh murabbiyi Maksim Shatskix ishtirok etdi.
“O‘yin muxlislarga yoqdi, deb o‘ylayman. Uchrashuvning so‘nggi daqiqalari bosim ostida o‘tdi. Bugungi uchrashuv haqida shunday deyishim mumkinki, yigitlar xarakter ko‘rsatishdi. Hisobni tenglashtirganimizdan keyin ham ko‘rinib turganidek, futbolchilarimiz g‘alabani juda xohlashayotgan edi. Yigitlar yutuqqa erishishimiz zarurligini his qilib turishgandi.
O‘yin oxirida g‘alabani ilib ketganimiz ajoyib bo‘ldi. G‘alaba keltirgan golni urib, muvaffaqiyatga erishganimiz yoqimli. Shunday bo‘lsa-da, muammolarimiz yetarli. Ularni bartaraf etish yo‘lida ishlashda davom etamiz. Chunki bunday oddiy holatlarda gollarni o‘tkazib yubormasligimiz kerak. Uchrashuv oxirida hayajonda bo‘lmasligimiz uchun ham oddiy vaziyatlarda to‘plarni darvozamizdan o‘tkazib yubormasligimiz lozim”, — deya Shatskixning so‘zlaridan keltiradi “Andijon” matbuot xizmati.
