Maksim Shatskix «Andijon» muxlislaridan uzr so‘radi
Photo: Andijan PFK
Kechagi vodi derbisida, garchi "Andijon" omaddan chetda qolgan bo‘lsa-da, "Bobur arena" stadionida muxlislar haqiqiy "vahimali" muhitni yaratishdi va mezbonlarni yuqori darajada qo‘llab-quvvatlashdi.
"Burgutlar" bosh murabbiyi Maksim Shatskix muxlislik haqida shunday dedi:
"Kechagi o‘yinda muxlislarimiz stadionda fantastik muhit yaratishdi. Ular jamoamizni qoyilmaqom darajada qo‘llab-quvvatlashdi. Buning uchun ularga minnatdorchilik bildiraman.
Biz, albatta, ishqibozlarimizni xursand qilishni xohlagandik. Afsuski, o‘ylaganimizdek bo‘lmadi. Shuning uchun muxlislarimizdan uzr so‘rayman.
Albatta, keyingi uchrashuvlarda ishqibozlarimizni xursand qilish uchun bor kuchimizni ishga solamiz".
Roziqjon Sultonmurodov
Jurnalist
