Luis Dias: «Men bolalikdagi orzumni amalga oshiryapman»
«Bavariya» va Kolumbiya terma jamoasi vingeri Luis Dias JCH-2026 guruh bosqichining 1-turidan o‘rin olgan O‘zbekistonga qarshi o‘yin yakunlari haqida gapirdi.
Ushbu uchrashuvda uning jamoasi 3:1 hisobida g‘alaba qozondi. Hujumchining o‘zi gol va golli uzatma muallifi bo‘ldi.
«Bugun men bolalikdagi orzumni amalga oshiryapman — o‘z milliy jamoam va mamlakatim uchun jahon chempionatida o‘ynayapman. Gol urish va golli uzatma berishdan ham yaxshiroq narsa bo‘lishi mumkinmi? Biz juda ahil jamoamiz, o‘yindan-o‘yinga kuchayib boramiz va men shunchaki juda-juda xursandman», — deya Diasning so‘zlarini keltiradi FIFA rasmiy sayti.
Ma’lumot uchun, u professional faoliyati davomida Kolumbiya terma jamoasi safida 75 ta o‘yin o‘tkazgan. Luis jami 23 ta gol urib, sakkizta golli uzatmani amalga oshirgan.
