Луис Диас: «Мен болаликдаги орзумни амалга оширяпман»
«Бавария» ва Колумбия терма жамоаси вингери Луис Диас ЖЧ-2026 гуруҳ босқичининг 1-туридан ўрин олган Ўзбекистонга қарши ўйин якунлари ҳақида гапирди.
Ушбу ўйинда унинг жамоаси 3:1 ҳисобида ғалаба қозонди. Ҳужумчининг ўзи гол ва голли узатмага муаллифлик қилди.
«Бугун мен болаликдаги орзумни амалга оширяпман — ўз миллий жамоам ва мамлакатим учун жаҳон чемпионатида ўйнаяпман. Гол уриш ва голли узатма беришдан ҳам яхшироқ нима бўлиши мумкин? Биз жуда аҳил жамоамиз, ўйиндан-ўйинга кучайиб борамиз ва мен шунчаки жуда-жуда хурсандман», — дея Диаснинг сўзларини келтиради ФИФА расмий сайти.
Маълумот учун, у профессионал фаолияти давомида Колумбия терма жамоаси сафида 75 та ўйин ўтказган. Луис жами 23 та гол уриб, саккизта голли узатмани амалга оширган.
