«Lokomotiv» - «Andijon». O’zaro bahslar tarixidan
Bugun “Andijon” jamoasi Superliganing 13-turi doirasida Toshkentda “Lokomotiv”ga qarshi maydonga tushadi.
“Burgutlar”ning “Temiryoʻlchilar”ga qarshi oʻyinlar statistikasi shundayki, jamoalar chempionatda hozirga qadar 28 marotaba bellashishdi. “Andijon”da 5, “Lokomotiv”da 19 g'alaba mavjud. 4 ta o'yinda kuchlar teng kelib qolgan. To'plar nisbati 28\55 “Loko” foydasiga.
Bu jamoalar oxirgi marta 2024 yili to'qnashishgan. Avvaliga birinchi davrada Toshkentda bo'lib o'tgan bahsda “Andijon” 1:2 hisobida g'alaba qozonib qaytgan. Gollarga jamoamizdan Islom Mamatkazin va Shaxrom Samiev mualliflik qilgan. Raqib jamoadan sobiq futbolchi – Sardor Abdunabiev to'p kiritgan.
Ikkinchi davrada Andijonda o'tkazilgan uchrashuvda esa 1:2 hisobida mehmonlarning qo'li baland kelgan.
2025 yilgi mavsumda esa bu klublar maydonda raqib sifatida duch kelishgani yo'q. Boisi, “Lokomotiv” pro ligada ishtirok etdi va bu yildan yana Superligaga qaytdi.
“Lokomotiv” – “Andijon” o'rtasidagi o'yin bugun, soat 20:00 da boshlanadi.
