Jahongir Abdusalomov «Surxon»ni tark etdi
Photo: Surkhan PFK
So‘nggi yillarda klubning eng faol futbolchilaridan biri Jahongir Abdusalomov "Surxon"ni tark etdi.
Abdusalomov 2,5 mavsum davomida jamoa safida o‘ynab, barcha musobaqalarda 57 ta uchrashuv o‘tkazdi va 15 ta gol urdi. U oliy liga doirasidagi o‘yinlarda klub tarixidagi eng yaxshi 20 to‘purardan biriga aylandi.
"Klub Jahongir Abdusalomovga hamkorlik uchun minnatdorchilik bildiradi va unga keyingi faoliyatida omad tilaydi", — deyiladi "uchar tulporlar" xabarida.
Abdusalomov bunga qadar “Bunyodkor”, “Mash'al”, “Yangi Yer” jamoalarida to‘p surgan.
Bahrom Bobonov
Redaktor
