Erjan Tokotaev «Andijon» a'zosiga aylandi
Yozgi seleksiyada tarkibini kuchaytirayotgan “Andijon” klubi o‘z safini yana bir mahoratli futbolchi bilan to‘ldirdi.
Qirg‘iziston milliy terma jamoasi darvozaboni Erjan Tokotaev rasman “Andijon” futbolchisiga aylandi. U bilan shartnoma imzolandi va endilikda
“Burgutlar” sharafini himoya qiladi.
Ma'lumot uchun, Erjan Tokotaev 2000-yilning 17-iyul sanasida Qirg‘izistonda tavallud topgan. Darvozabon faoliyati davomida “Dordoy” (Qirg‘iziston), “Alga” (Qirg‘iziston), “Kaspiy” (Qozog‘iston), “Turon” (Qozog‘iston) va “Shanliurfasspor” (Turkiya) klublarida harakat qilgan.
Tokotaev 2023-yildan beri Turkiya chempionatida “Shanliurfasspor” safida to‘p surgan. Erjan faoliyati mobaynida hozirgacha 92 ta o‘yinda ishtirok etgan. 2021-yildan beri Qirg‘iziston milliy terma jamoasi a'zosi hisoblanadi va hozirgacha bosh jamoada 36 ta o‘yin o‘tkazgan.
