Dibala nomaʼlum muddatga safdan chiqdi
Argentinalik hujumchi «Milan»ga qarshi oʻyinda jarohat oldi.
FOTO: Getty Images
Italiya A seriyasi
02.11.2025, Yak.
Milan
1
Roma
0
«Roma» hujumchisi Paulo Dibala Italiya A Seriyasining 10-turidan oʻrin olgan «Milan»ga qarshi bahsda (1:0) jarohat oldi. Argentinalik futbolchi penalti tepish jarayonida shikastlandi. Bu haqda bosh murabbiy Jan Pyer Gasperini maʼlum qildi.
«Penaltidagi eng yomon holat — Dibalaning jarohati. Endi uning qancha muddatga safdan chiqqanini bilmaymiz, ammo u xalqaro tanaffusgacha maydonga tusha olmaydi», — dedi Gasperini.
Eslatib oʻtamiz, «Milan» ushbu bahsda Strahinya Pavlovichning 39-daqiqada urgan yagona goli evaziga gʻalaba qozondi. 82-daqiqada esa «Roma» penalti ishladi, biroq Dibalaning zarbasini Menyan qaytarib qoldi.
Nasrullo Karimov
Jurnalist
