Дибала номаълум муддатга сафдан чиқди
Аргентиналик ҳужумчи «Милан»га қарши ўйинда жароҳат олди.
ФОТО: Getty Images
Италия А серияси
02.11.2025, Як.
Милан
1
Рома
0
«Рома» ҳужумчиси Пауло Дибала Италия А Сериясининг 10-туридан ўрин олган «Милан»га қарши баҳсда (1:0) жароҳат олди. Аргентиналик футболчи пеналти тепиш жараёнида шикастланди. Бу ҳақда бош мураббий Жан Пьер Гасперини маълум қилди.
«Пеналтидаги энг ёмон ҳолат — Дибаланинг жароҳати. Энди унинг қанча муддатга сафдан чиққанини билмаймиз, аммо у халқаро танаффусгача майдонга туша олмайди», — деди Гасперини.
Эслатиб ўтамиз, «Милан» ушбу баҳсда Страхиня Павловичнинг 39-дақиқада урган ягона голи эвазига ғалаба қозонди. 82-дақиқада эса «Рома» пеналти ишлади, бироқ Дибаланинг зарбасини Менян қайтариб қолди.
Насрулло Каримов
Журналист
