Asror Aliqulov «Sho‘rtan» bosh murabbiyiga aylandi
Ayni vaqtda g‘uzorliklar 12 ochko bilan so‘nggi 16-o‘rindan joy olgan.
Фото: Шуртан ПФК
Asror Aliqulov “Sho‘rtan” bosh murabbiyligiga qaytdi. Bu haqda klub matbuot xizmati xabar berdi.
“Sho‘rtan” futbol klubi murabbiylar shtabida o‘zgarish ro‘y berdi. Shu kungacha jamoaning bosh murabbiyi vazifasini bajargan Eldor Moyliyev lavozimidan ozod etildi.
Klub rahbariyati qaroriga ko‘ra, jamoaga bosh murabbiy etib Asror Aliqulov tayinlandi. U bilan shu mavsum yakuniga qadar shartnoma imzolandi.
Shu bilan birga, Eldor Moyliyev klub murabbiylar shtabida o‘z faoliyatini davom ettiradi. Ayni vaqtda g‘uzorliklar 12 ochko bilan so‘nggi 16-o‘rindan joy olgan.
Roziqjon Sultonmurodov
Jurnalist
