\"Andijon\" Valijon Rahimov bilan xayrlashdi
Photo: Andijan PFK
Yozgi seleksiya ishlarini davom ettirayotgan "Andijon" ayrim o'yinchilar bilan xayrlashmoqda.
Bungacha Iskandar Shoyqulov bilan shartnoma bekor qilinganligi haqida xabar berilgandi, bu safar darvozabon Valijon Rahimov "Andijon" bilan xayrlashganini ma'lum qilindi.
Ikki tomonning o'zaro kelishuvi asosida shartnoma bekor qilindi.
Rahimov mavsum boshida tarkibga qo'shilgandi va o'tgan vaqt mobaynida Superligada oltita, O'zbekiston Kubogida ikkita va bir bor Superkubok o'yinida maydonga tushdi.
"Valijonga keyingi faoliyatida omad tilaymiz" - deyiladi "Andijon"ning rasmiy bayonotida.
Bahrom Bobonov
Redaktor
