Анчелотти Бразилия терма жамоасининг Гаитига қарши ўйинга тайёргарлигини баҳолади
Бразилия терма жамоаси бош мураббийи Карло Анчелотти жамоанинг жаҳон чемпионати гуруҳ босқичининг иккинчи ўйинида Гаитига қарши тайёргарлигини баҳолади.
«Жамоа натижадан қониқмади, чунки старт, айниқса, биринчи бўлим муваффақиятсиз чиқди. Кейинги ўйинда биз бутунлай бошқача, анча сифатлироқ ўйин кўрсатамиз.
Гаити терма жамоаси жисмоний қудратини намойиш этди, бу аниқ тизимга ва бўйдор классик марказий ҳужумчига эга яхши ташкил этилган жамоа. Улар ўз имкониятларидан келиб чиқиб, яхши футбол ўйнашади. Бу ҳам бошқалар каби ҳурмат қилиниши керак бўлган рақиб. Бу жаҳон чемпионати, ҳамма жуда руҳланган. Бу ерда натижаси олдиндан аниқ ўйинлар йўқ, барча ўйинлар жуда тенг курашлар остида ва рақобатбардош кечади», — дея Анчелоттининг сўзларини келтиради Бразилия терма жамоаси матбуот хизмати.
Эслатиб ўтамиз, кейинги ўйинда Бразилия 20 июнь куни Гаити билан тўқнаш келади. Биринчи турда «селесао» Марокаш терма жамоаси билан дуранг ўйнаганди (1:1).
