63 yillik tarixga ega to‘qnashuv: \"Dinamo\" - \"Neftchi\" o‘yini oldidan
Superliga 1-davrasining e’tiborli o‘yinlaridan biri bugun Samarqandda bo‘lib o‘tadi. 63 yillik qarama-qarshilik tarixiga ega azaliy raqiblar "Dinamo" va "Neftchi" o‘zaro to‘qnash keladi.
O‘zaro o‘yinlar tarixi
1960 yilda tashkil topgan Samarqand klubi va 1962 yilda tashkil etilgan Farg‘ona jamoasi sobiq Ittifoq chempionatlaridan tashqari, 1992 yildan start olgan O‘zbekiston chempionatlari tarixida o‘zaro 56 marta to‘qnash kelgan.
Superliga va Pro ligadagi natijalar "Neftchi"ning ustunligini ko‘rsatmoqda. Farg‘onaliklar 56 bahsning 38 tasida g‘alaba qozongan. Aksariyat g‘alabalar "Neftchi"ning 26 yillik ustozi Yuriy Sarkisyan davriga to‘g‘ri keladi. 14 uchrashuvda "Dinamo"ning qo‘li baland kelgan. 4 ta o‘yinda esa durang qayd etilgan.
To‘plar nisbati ham "Neftchi" foydasiga 98-46. O‘yinlarda "Neftchi" 118 ochkoni qo‘lga kiritgan bo‘lsa, "Dinamo" 46 ochkoga ega bo‘lgan.
