Prevyu. \"Navbahor\" - \"Qo'qon-1912\"
Superliganing 11-turidan o‘rin olgan "Navbahor" - "Qo‘qon-1912" uchrashuvi 25-may kuni Namangandagi "Markaziy" stadionida bo‘lib o‘tadi.
"Vodiy derbisi" oldidan ushbu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.
O‘zaro o‘yinlar
"Qo‘qon-1912" hamda "Navbahor" klublari shu kungacha 34 bor kuch sinashishgan. 8 ta uchrashuvda "Qo‘qon-1912"ning qo‘li baland kelgan. "Navbahor" 18 ta o‘yinda g‘alaba qozongan. 8 ta o‘yinda durang natija qayd etilgan. To‘plar nisbatida ustunlik "lochunlar" tomonida: 63-37. "Navbahor" o‘zaro o‘yinlarda 62 ochkoga ega bo‘lgan, "Qo‘qon-1912" esa 32 ochkoni qo‘lga kiritgan. So‘nggi bor bu jamoalar 2022-yilning 16-avgust kuni to‘qnash kelishgandi. O‘shanda jamoalar 1:1 hisobidagi durang natijasini qayd etishgan.
Ushbu jamoalarning so‘nggi to‘qqizta uchrashuvda qayd etilgan natijalari bilan tanishing:
16.08.2022 Qo‘qon-1912 - Navbahor – 1:1
17.03.2022 Navbahor – Qo‘qon-1912 – 2:0
27.11.2021 Navbahor – Qo‘qon-1912 – 2:3
01.08.2021 Qo‘qon 1912 – Navbahor – 1:2
03.12.2020 Qo‘qon 1912 – Navbahor – 1:1
28.08.2020 Navbahor – Qo‘qon-1912 – 0:1
01.12.2019 Qo‘qon 1912 – Navbahor – 1:1
10.03.2019 Navbahor – Qo‘qon-1912 – 1:1
31.03.2018 Qo‘qon 1912 – Navbahor – 1:0
Boshlanish vaqtlari
"Navbahor" — "Qo‘qon-1912" uchrashuvi 25-may kuni soat 18:45 da start oladi. Uchrashuv Namangandagi "Markaziy" stadionida bo‘lib o‘tadi.
