Жоэл Кожо фаолиятини «Нефтчи»да давом эттиради
14 июл, душанба куни, Қирғизистон терма жамоаси ҳужумчиси Жоэл Кожонинг Ўзбекистон Суперлигасидаги жамоалардан бирига ўтиши бўйича музокаралар якунлангани ҳақида хабарлар тарқалди. Эришилган келишувга мувофиқ, у фаолиятини Фарғонанинг «Нефтчи» клубида давом эттиради. Кожо яқин кунларда жамоага қўшилиб, тиббий кўрикдан ўтиши ва расман таништирилиши кутилмоқда.
Ушбу трансфер жараёнида бошқа даъвогар жамоа ҳам бор эди. Қаршининг «Насаф» клуби ҳам футболчини ўз сафига қўшиб олишни истаган, бироқ сўнгги қарор футболчининг ферганаликлар таклифини маъқул кўргани билан якунланган. Манбаларга кўра, «Нефтчи»нинг шартлари Кожо учун маъқулроқ бўлган.
Футболчи ҳозирда Эроннинг «Эстеглял» клуби билан амалдаги шартномага эга бўлгани сабабли, мазкур келишув ижара асосида амалга оширилади. Аренда муддати ва сотиб олиш имкониятига оид тафсилотлар ҳозирча ошкор қилинмаган.
