Ўзбекистон Кубоги. “Нефтчи” “Оқтепа” дарвозасига жавобсиз тўртта тўп киритиб, кейинги босқич масаласини ҳал қилди

Ўзбекистон Кубоги гуруҳ босқичининг 3-туридан ўрин “Нефтчи” - “Оқтепа” ўйини бўлиб ўтди ва унда фарғоналиклар йирик 4:0 ҳисобида ғалаба қозонди.

Дастлаб, ҳисоб 27-дақиқада Тома Табатадзе томонидан очилди (1:0). 48-дақиқада эса Шоҳруҳ Ғадоев жамоасининг иккинчи голига муаллифлик қилди (2:0).

56-дақиқада Анваржон Ғофуров ҳисобни йирик кўринишга олиб келган бўлса (3:0), 82-дақиқада Муҳаммадали Ғиёсов ҳам ўз номини таблога ёздириб қўйди (4:0).

Шу тариқа, “Нефтчи” ушбу ғалабадан сўнг ўз очколари ҳисобини 7 тага етказиб олиб, кейинги босқичга йўл олди.

Ўзбекистон Кубоги | “E” гуруҳи, 3-тур

“Нефтчи” 4:0 “Оқтепа”

Голлар: Тома Табатадзе 27' (1:0), Шоҳруҳ Ғадоев 48' (2:0), Анваржон Ғофуров 56' (3:0), Муҳаммадали Ғиёсов 82' (4:0).

Насрулло Каримов

Журналист