«Вақти келса, ҳаммасини айтиб бераман» — Роналду Португалия йиғинини тарк этиши қарорини изоҳлади
«Вақти келса, ҳаммасини айтиб бераман» — Роналду Португалия йиғинини тарк этиши қарорини изоҳлади
41 ёшли ҳужумчи жамоасига омад тилади.
Португалия миллий жамоаси ҳужумчиси Криштиану Роналду Миллатлар лигасининг 3-туридан ўрин олган Данияга қарши ўйин олдидан миллий жамоа ихтиёрини тарк этиш қарорига изоҳ берди.
«Бош мураббийнинг матбуот анжуманидан сўнг ва Португалия футбол федерацияси президенти билан суҳбатлашганимдан кейин миллий жамоа йиғинини тарк этишга қарор қилдим.
Вақти келганда, мен ҳар доим садоқат билан хизмат қилиб келган Португалия миллий жамоасини нима сабабдан тарк этганим ҳақидаги ҳақиқатни барча португалларга айтиб бераман.
Ҳозир эса Португалияга ва барча жамоадошларимга омад тилайдиган пайт», — дея Роналдунинг сўзларини журналист Фабрицио Романо X ижтимоий тармоғида келтирди.
Аввалроқ 41 ёшли футболчи миллий жамоа бош мураббийи Жорже Жезушнинг жамоада ҳеч қандай зиддият йўқлиги ҳақидаги баёнотига қарамай, машғулотларни тарк этгани ва яқин соатларда Копенгагендан учиб кетиши кераклиги хабар қилинганди. Шунингдек, мураббий матбуот анжуманида Роналдунинг данияликларга қарши ўйинда иштирок этмаслиги мумкинлигини маълум қилган.
