Роналду Португалия йиғинини тарк этди. У Саудияга учиб кетади
Роналду Португалия йиғинини тарк этди. У Саудияга учиб кетади
41 ёшли ҳужумчи Мадриддаги шахсий самолётига чиқиб, клуби томон йўл олади.
Португалиялик ҳужумчи Криштиану Роналду миллий жамоа йиғинини тарк этди ва яқин соатларда Мадриддаги шахсий самолётига чиқиб, Саудия Арабистонига учиб кетади. Бу ҳақда Marca хабар бермоқда.
1 октябрь, пайшанба куни Португалия Миллатлар лигасининг 3-тури доирасида Данияга қарши майдонга тушади. Беллашув Копенгаген шаҳридаги «Паркен» стадионида бўлиб ўтади.
Аввалроқ 41 ёшли футболчи бош мураббий Жорже Жезушнинг жамоада ҳеч қандай низо йўқлиги ҳақидаги баёнотларига қарамай, миллий жамоа машғулотини тарк этгани хабар қилинганди. Шунингдек, мураббий матбуот анжуманида Роналдунинг Данияга қарши ўйинда иштирок этмаслиги мумкинлигини маълум қилган.
Португалия Миллатлар лигасида иккита ўйин ўтказди. Роналду Уэльсга (1:0) қарши баҳсда 67 дақиқа майдонда ҳаракат қилди, аммо самарали ҳаракатлари билан ажралиб турмади. Норвегия (2:1) билан ўйинда эса футболчи майдонга тушмади.
