Вадим Абрамов «Динамо»нинг тарихий рекордини янгилай оладими?
Самарқанднинг «Динамо» клуби 2025 йилги Суперлиганинг дастлабки 8 та турида умуман ютқазмади. Клуб мавсумни қачон бунчалик узун мағлубиятсиз серия билан бошлаганини биласизми?
Жавоб: 1999 йилда. Ҳа, бундан 26 йил аввал «Самарқанд-Динамо» деб номланган клуб Олий лиганинг дастлабки 11 та турида 9 та ғалаба ва 2 та дуранг қайд этган. Ўша мавсумда ҳам чемпионатда 16 та клуб иштирок этган ва «Самарқанд» мавсумни 7 та мағлубият билан тугатган ва 5-ўринни эгаллаган.
Маълумот учун, 2000 йили «Самарқанд-Динамо» мавсум ўртасида кетма-кет 8 та учрашувда ютқазмаган.
Агар ўтган мавсумни ҳам қўшиб ҳисобласак «Динамо» Суперлигада 9 та ўйиндан буён ютқазмай келмоқда. «Динамо» биринчи даврадаги навбатдаги ўйинларни «Бухоро», «Қизилқум», «Хоразм» ва «Бунёдкор»га қарши ўтказади.
Сизнингча Вадим Абрамов «Динамо»нинг тарихий рекордини янгилай оладими?
