Тер Штеген “Галатасарой” таклифини рад этди
Футбол
Насрулло Каримов
Журналист
ФОТО: Getty Images
Каталониянинг “Барселона” клуби дарвозабони Марк-Андре тер Штеген “Галатасарой”нинг таклифига рад жавобини берди. Бу ҳақда NTvspor.net нашри хабар бермоқда.
Манбага кўра, ҳар икки томон вакиллари Истанбулда учрашган ва у ерда турк клуби 33 ёшли посбонга ўз таклифини билдирган.
Қайд этилишича, “Галатасарой”нинг таклифи тер Штегенга ёқмаган, шунинг учун у Туркия Суперлигаcига ўтишдан бош тортган. Германиялик голкипер “Барселона”да ўйнашни давом эттирмоқчи.
Маълумот учун, тер Штеген ўтган мавсум барча турнирларда 9 та ўйинда майдонга тушди. Унинг каталонияликлар билан тузган амалдаги шартномаси 2028-йилнинг ёзига қадар амал қилади.
