Ter Shtegen “Galatasaroy” taklifini rad etdi

Futbol 17 iyn 2025 da 08:31

Nasrullo Karimov

Jurnalist

Kataloniyaning “Barselona” klubi darvozaboni Mark-Andre ter Shtegen “Galatasaroy”ning taklifiga rad javobini berdi. Bu haqda NTvspor.net nashri xabar bermoqda.

Manbaga ko'ra, har ikki tomon vakillari Istanbulda uchrashgan va u yerda turk klubi 33 yoshli posbonga o'z taklifini bildirgan.

Qayd etilishicha, “Galatasaroy”ning taklifi ter Shtegenga yoqmagan, shuning uchun u Turkiya Superligasiga o'tishdan bosh tortgan. Germaniyalik golkiper “Barselona”da o'ynashni davom ettirmoqchi.

Ma'lumot uchun, ter Shtegen o'tgan mavsum barcha turnirlarda 9 ta o'yinda maydonga tushdi. Uning kataloniyaliklar bilan tuzgan amaldagi shartnomasi 2028-yilning yoziga qadar amal qiladi.