Статистика: Ратиньо ва Ўрозов – аниқ узатмалар сони бўйича Суперлигада пешқадамлар
Sofascore статистик портали маълумотлари хабар берди.
Фото: Динамо ПФК
Суперлига жорий мавсумининг ўтган даври якунларига кўра, «Динамо»нинг икки футболчиси аниқ узатмалар сони бўйича чемпионатда пешқадамлик қилмоқда.
Sofascore статистик портали маълумотларига биноан, «Динамо» яримҳимоячиси Ратиньо 1228 та аниқ узатмаси билан бу борада Суперлигада энг яхши кўрсаткични қайд этиб турибди.
Бразилиялик легионердан кейинги 2-ўринни эса «Динамо» ҳимоячиси Жаҳонгир Ўрозов (1177та) эгаллаб турибди.
Жамоа ўйин услубидан келиб чиққан ҳолда айнан ушбу икки ўйинчи пешқадамлик қилаётган бўлса, топ-10ликдан жамоамизнинг яна бир ҳимоячиси Олександр Кучеренко ҳам жой олган бўлиб, у 1100 марта аниқ узатмани амалга оширган, шунингдек украиналик футболчининг узатмалари аниқлиги 89 фоизни ташкил қилган.
Розикжон Султонмуродов
Журналист
