Statistika: Ratinho va O‘rozov – aniq uzatmalar soni bo‘yicha Superligada yetakchilar
Sofascore statistik portali ma’lumotlariga ko‘ra xabar qilindi.
Фото: Динамо ПФК
Superliga joriy mavsumining o‘tgan davri yakunlariga ko‘ra, “Dinamo”ning ikki futbolchisi aniq uzatmalar soni bo‘yicha chempionatda yetakchilik qilmoqda.
Sofascore statistik portalining ma’lumotlariga ko‘ra, “Dinamo” yarim himoyachisi Ratinho 1228 ta aniq uzatmasi bilan bu borada Superligada eng yaxshi natijani ko‘rsatmoqda.
Braziliyalik legionerdan keyingi 2-o‘rinni esa “Dinamo” himoyachisi Jahongir O‘rozov (1177 ta) egallab turibdi.
Jamoa o‘yin uslubidan kelib chiqqan holda aynan ushbu ikki futbolchi yetakchilik qilayotgan bo‘lsa, top-10 talikdan jamoamizning yana bir himoyachisi Aleksandr Kucherenko ham joy olgan — u 1100 marta aniq uzatma amalga oshirgan, shuningdek, ukrainalik futbolchining uzatmalar aniqligi 89 foizni tashkil qilgan.
Roziqjon Sultonmurodov
Jurnalist
