Себастьен Минье: «Гаити ЖЧни бошини баланд тутган ҳолда тарк этмоқда»
Гаити терма жамоаси бош мураббийи Себастьен Минье Марокашга қарши ўйиндан (2:4) кейин ўз фикрлари билан ўртоқлашди.
«Натижадан хафаман. Биз кўпроқ гол уриб, ғалаба қозонишимизни истардим. Бироқ шунга қарамай, футболчилар таслим бўлганини ҳис қилмадим. Бу гаитиликларнинг маданияти билан боғлиқ — улар осонликча таслим бўлишмайди. Шунинг учун ҳам йигитлар мамлакат маданиятининг ҳақиқий аксини намоён этишди ва ўз юртини муносиб тарзда ҳимоя қилишди.
Биз ушбу мусобақага бежиз йўлланма олмаганимизни кўрсата олдик. Биз бу ерда бўлишга муносиб эдик. Энди эса кейинги имконият учун яна 52 йил кутиб ўтирмасдан, муайян жиҳатларни яхшилашимиз керак.
Бу Гаити футболи тарихидаги янги ва етук босқичдир. Биз ушбу жаҳон чемпионатида тарих яратишга жуда яқин келгандик. Чемпионатни бошимиз баланд ҳолда тарк этишни истагандик ва менимча, бунга эриша олдик», — деди Минье Reuters нашрига.
