Sebastyan Minye: «Gaiti JChni boshini baland tutgan holda tark etmoqda»
Gaiti terma jamoasi bosh murabbiyi Sebastyan Minye Marokashga qarshi o‘yindan (2:4) keyin o‘z fikrlari bilan o‘rtoqlashdi.
«Natijadan xafaman. Biz ko‘proq gol urib, g‘alaba qozonishimizni istardim. Biroq shunga qaramay, futbolchilar taslim bo‘lganini his qilmadim. Bu gaiti xalqining madaniyati bilan bog‘liq — ular osonlikcha taslim bo‘lishmaydi. Shuning uchun ham yigitlar mamlakat madaniyatining haqiqiy aksini namoyon etishdi va o‘z yurtini munosib tarzda himoya qilishdi.
Biz ushbu musobaqaga bekorga yo‘llanma olmaganligimizni ko‘rsata oldik. Biz bu yerda bo‘lishga munosib edik. Endi esa keyingi imkoniyat uchun yana 52 yil kutib o‘tirmasdan, muayyan jihatlarni yaxshilashimiz kerak.
Bu Gaiti futboli tarixidagi yangi va yetuk bosqichdir. Biz ushbu jahon chempionatida tarix yaratishga juda yaqin keldik. Chempionatni boshimiz baland holatda tark etishni istagandik va menimcha, bunga erisha oldik», — dedi Minye Reuters nashriga.
