Хакими: «Биз унчалик яхши бошламадик, лекин кейин вазиятни ўзгартира олдик»
Марокаш терма жамоаси ҳимоячиси Ашраф Ҳакими футбол бўйича 2026 йилги жаҳон чемпионати гуруҳ босқичининг сўнгги ўйинида Гаити терма жамоаси устидан қозонилган ғалаба (4:2) ҳақида фикр билдирди.
«Бу осон ўйин бўлмади. Биз унчалик яхши бошламадик, лекин кейин вазиятни ўзгартира олдик. Ҳужум қилганимиз туфайли ғалаба қозона олдик. Танаффусда иккинчи голни уришга эътибор қаратишимиз керак эди. Рақибларга ўзларига бўлган ишончни топишга имкон бера олмасдик. Қилган ишимиздан фахрланамиз, лекин ҳозир бизга яхши тикланиш ва кейинги ўйинларга тайёргарлик кўриш керак», — Ҳакими сўзларини ФИФА матбуот хизмати етказди.
Ўтган ўйин натижаларига кўра, Марокаш терма жамоаси етти очко тўплаб, С гуруҳи турнир жадвалида иккинчи ўринни эгаллади. Гаити бирорта ҳам очко тўпламаган ҳолда охирги ўринда қолди.
