Нойер Бундеслигада ўйин ўтказиш бўйича иккинчи ўринга кўтарилиб олди
Мюнхеннинг «Бавария» клуби дарвозабони Мануэль Нойер Бундеслигада энг кўп ўйин ўтказган посбонлар рўйхатида топ-2 қаторига кириб олди. Бу ҳақда Opta хабар берди.
Бундеслиганинг 12-туридан ўрин олган «Бавария» — «Санкт-Паули» учрашуви Нойер учун Германия чемпионатидаги 534-ўйинга айланди. Шу тариқа у ўтган асрда «Боруссия Дортмунд» ва «Штутгарт» сафида тўп сурган Айке Иммелнинг кўрсаткичига етиб олди. Рейтингда биринчи ўринда эса афсонавий Оливер Кан (557 ўйин) барчадан олдинда бормоқда.
Мануэль Нойер «Бавария» сафида 2011 йилдан бери ўйнамоқда. Шу вақт ичида у 12 марта Германия чемпиони бўлган, беш бор мамлакат кубогини қўлга киритган ва саккиз марта Суперкубокда ғолиб чиққан. Шuningdek, тажрибали дарвозабон Чемпионлар Лигаси ғолиби унвонини икки марта қўлга киритган.
