НЕФТЧИ ПФК жамоаси футболчилари учун Антидопинг қоидабузарликлари турлари мавзусида анъанавий семинар-тренинг ташкил этилди
29-март куни Ўзбекистон футбол ассоциацияси Халқаро муносабатлар ва мусобақалар бўлими Тиббий координатори Орифжон Шарипов томонидан "НЕФТЧИ" ПФК жамоаси футболчилари учун “Антидопинг қоидабузарликлари турлари” мавзусида анъанавий семинар-тренинг ташкил этилди.
Мазкур тадбир доирасида иштирокчиларга антидопинг қоидабузарликларининг асосий турлари, улар учун белгиланган интизомий ва ҳуқуқий жазо чоралари, шунингдек, ADAMS (Anti-Doping Administration and Management System) тизимидан фойдаланиш тартиби юзасидан батафсил маълумотлар тақдим этилди.
Семинар давомида футболчиларнинг антидопинг қоидаларига риоя этиш бўйича билим ва тушунчаларини мустаҳкамлаш, уларнинг масъулиятини янада ошириш ҳамда халқаро талабларга тўлиқ мос фаолият юритишлари муҳим аҳамият касб этиши алоҳида таъкидланди.
