Мухсин Убайдуллаев навбатдаги икки мавсумда буюк чинорлар сафида фаолият олиб боради
Фарғоналикларнинг ҳимоя қўрғонида ўзининг ишончли ва сифатли ўйини билан Нефтчининг чемпион бўлишига муносиб ҳисса қўшган тажрибали ҳимоячи Мухсин Убайдуллаев навбатдаги икки мавсумда буюк чинорлар сафида фаолият олиб боради.
Мухсин Убайдуллаев ушбу мавсумда Суперлига доирасида 27 учрашувда майдонга тушиб, жами 2387 дақиқа ҳаракат қилган. Унинг барқарор ва профессионал ўйини жамоанинг ҳимоя чизиғини мустаҳкамлайди ва рақибларга қарши ишончли ўйин намойиш этади.
"Ишонамизки, Мухсин Убайдуллаев янги мавсумда ҳам жамоамиз таркибида ишончли ўйини билан мухлисларни хурсанд этишда давом этади ва жамоанинг юксак мақсадларига эришишда муҳим роль ўйнайди.
Футболчига клубимиз сафида омад, соғлиқ ва ёрқин ғалабалар тилаймиз",-дея ёзилади клуб расмий саҳифасида.
