Мауро Бразил – «Динамо» футболчиси
2026 йилги мавсум олдидан таркибни кучайтириш ишларини давом эттираётган «Динамо» ПФК легионер футболчи билан келишувга эришганини маълум қилади.
Дубайда йиғин ўтказаётган жамоамиз сафига уругвайлик Мауро Бразил келиб қўшилди. 26 ёшли легионер ҳимоячи билан бир йиллик шартнома имзоланди. Мауронинг сўнгги клуби Уругвай чемпионати вакили «Серро-Ларго» клуби бўлиб, 2025 йилда Клаусурада 5-ўринни эгаллаган.
Мауро Бразил ўз вақтида Уругвай U20 ёшлар жамоаси сафида 10 та ўйинда майдонга тушган. Шунингдек, у Уругвай миллий жамоасига ҳам чақирилган бўлиб, дебютини 2024 йили Коста-Рикага қарши баҳсда (0:0) ўтказиб, марказий ҳимояда ҳаракат қилган.
Мауро Бразил – «Динамо» тарихи́даги уругвайлик илк ўйинчига айланди. Ишонамизки, Бразил барчанинг ишончини оқлайди ва Самарқанд клубида катта муваффақиятларга эришади.
🇺🇾 Bienvenido, Mauro Brasil!
Маълумотнома:
Мауро Александро Бразил
Туғилган жойи: Монтевидео, Уругвай.
Туғилган санаси: 1999 йил 27 апрель
Амплуаси: Марказий ҳимоячи.
