“Манчестер Сити” футболчисига тарсаки туширган мухлис ҳибсга олинди
ФОТО: Getty Images
Англия Премер-лигаси
06.04.2025, Як.
Манчестер Юнайтед
0
Манчестер Сити
0
Англия Премйер-лигасининг 31-туридан ўрин олган “Ман. Юнайтед” ва “Ман. Сити” ўртасидаги учрашувдан сўнг “шаҳарликлар” футболчиси Жек Грилишнинг юзига тарсаки туширган МЮ мухлиси ҳибсга олинди. Бу ҳақда The Telegraph нашри хабар бермоқда.
Манбага кўра, айбдор деб топилган 20 ёшли йигит қўлга олинган ва у июл ойида “Манчестер Краун” судига келиши керак бўлади. “Сити” ва “Юнайтед” терговлар давом этаётгани боис ҳолатга изоҳ беришдан бош тортди.
Эслатиб ўтамиз, дерби якунлангач, Жек Грилиш майдонни тарк этаётган чоғида МЮ мухлисларидан бири билан жанжаллашиб кетганди ва мухлис футболчининг юзига тарсаки туширганди.
Насрулло Каримов
Журналист
