Карло Анчелотти: «Эрлинг қандай ҳаракат қилишини ҳамма билади»
Бразилия терма жамоаси бош мураббийи Карло Анчелотти жаҳон чемпионати 1/8 финал учрашуви олдидан Норвегия терма жамоаси ҳужумчиси Эрлинг Холандни зарарсизлантириш бўйича махсус режа тайёрламаётганини айтди. Турнирдаги 3 та ўйинда Эрлинг 5 та гол урди ва жаҳон чемпионати тўпурарлари рўйхатида 3-ўринни эгаллаб турибди.
«Холандга қарши қандайдир махсус режа деган тушунча бор деб ўйламайман. Футболчиларга унга қарши қандай ҳимояланишни тушунтиришим шарт эмас – улар аллақачон бир-бирларига қарши бир неча бор ўйнашган. Жамоамиз оптимал ҳолатда, аммо барибир ўсадиган жиҳатларимиз бор. Эрлинг қандай ҳаракат қилишини ҳамма билади. Ҳимоячиларимга унга қарши қандай ўйнаш кераклигини тушунтиришимга ҳожат йўқ.
Улар у билан бир неча бор тўқнаш келишган, шунинг учун биз эътиборимизни ўйинга умумий тайёргарлик кўришга ва рақибнинг асосий хусусиятларини таҳлил қилишга қаратганмиз. Уларнинг ҳужумда жуда хавфли эканлигини биламиз. Норвегия – қийин рақиб, улар ўз тузилмаси ва яхши ташкил этилган ўйинга эга, шу боис биз максимал даражада ўйнашимиз керак. Ўйлайманки, ҳозир бунга қодирмиз, чунки ўзимизга ишонамиз ва Японияга қарши кечган қийин ўйиндан сўнг 1/8 финалга йўл олдик», – деди Анчелотти.
Бразилия Норвегияга қарши бугун ўйнайди, учрашув Тошкент вақти билан соат 01:00 да бошланади
