“Галатасарой” Тер Штегенга қанча маош таклиф қилаётгани маълум бўлди

Футбол 15 ийн 2025 да 06:38

Насрулло Каримов

Журналист

Каталониянинг “Барселона” клуби дарвозабони Марк-Андре тер Штеген “Галатасарой”дан илк шахсий шартнома таклифини қабул қилди. Бу ҳақда Sport.es нашри хабар бермоқда.

Манбага кўра, турк гранди 33 ёшли голкиперга ҳар мавсум учун 5 миллион евро тўлашга тайёр. Таъкидланишича, “Галатасарой” Тер Штегеннинг тўлиқ трансфери ёки мавсум охирида сотиб олиш ҳуқуқи билан ижарага олиш вариантларини кўриб чиқмоқда.

Маълумот учун, германалик посбон ўтган мавсум барча турнирларда 9 та ўйинда майдонга тушиб, биттасида ўз дарвозаси дахлсизлигини сақлаб қолди. Унинг Transfermarkt’даги нархи 12 миллион евросга баҳоланмоқда.