“Galatasaroy” Ter Shtegenga qancha maosh taklif qilayotgani ma'lum bo'ldi

Kataloniyaning “Barselona” klubi darvozaboni Mark-Andre ter Shtegen “Galatasaroy”dan ilk shaxsiy shartnoma taklifini qabul qildi. Bu haqda Sport.es nashri xabar bermoqda.

Manbaga ko'ra, turk grandi 33 yoshli golkiperga har mavsum uchun 5 million yevro to'lashga tayyor. Ta'kidlanishicha, “Galatasaroy” Ter Shtegenning to'liq transferi yoki mavsum oxirida sotib olish huquqi bilan ijaraga olish variantini ko'rib chiqmoqda.

Ma'lumot uchun, germaniyalik posbon o'tgan mavsum barcha turnirlarda 9 ta o'yinda maydonga tushib, bittasida o'z darvozasi daxlsizligini saqlab qoldi. Uning Transfermarkt'dagi narxi 12 million yevroga baholanmoqda.

Nasrullo Karimov

Jurnalist