Футзал бўйича 2026/2027-йилги мавсум мамлакат биринчилиги — Биринчи лига баҳслари декабрь ойининг иккинчи ўн кунлигидан бошланади
Футзал бўйича 2026/2027-йилги мавсум мамлакат биринчилиги — Биринчи лига баҳслари декабрь ойининг иккинчи ўн кунлигидан бошланади.
Янги мавсумда ҳам 8 та жамоа ғолиблик ва Олий лигага йўлланма учун кураш олиб боради.
Мусобақа формати ўзгаришсиз қолади. Жамоалар икки давра, 4 та тур давомида ўзаро куч синашади. Якунда биринчилик ғолиби Олий лигага тўғридан-тўғри йўлланма олади. Иккинчи ўринни эгаллаган жамоа эса ўтиш учрашувлари орқали кучлилар сафидан жой олиш имкониятига эга бўлади.
Эслатиб ўтамиз, ўтган мавсумда Сирдарё вилоятининг «Сайхун» футзалчилари Биринчи лигада ғолибликни қўлга киритган бўлса, «Хоразм» ПФК ўтиш учрашуви орқали Олий лига йўлланмасига эга чиққан эди.
Эътиборлиси, янги мавсумда ҳар икки жамоа ҳам Олий лигадаги дебютини муваффақиятли бошлаб, кучлилар сафида муносиб иштирок этмоқда.
